Gazment Bardhi, kreu i Grupit Parlamentar të PD-së, u shpreh se do të votonte pro çdo kërkese të SPAK, përfshi këtu edhe atë ndaj ish-Kryeministrit Sali Berisha.
Por, Bardhi shtoi se që t’i kthehet normaliteti Kuvendit dhe votimeve, duhet që Edi Rama të plotësojë tre kushtet e opozitës.
“Ne jemi njohur përmes mediave me kërkesën e SPAK. Lajm i mirë që e di adresën e Kuvendit. Ne votojmë pro çdo kërkese të SPAK. Por Rama të përmbushë tre kërkesat tona, dhe kthehemi në normalitet dhe marrim pjesë në votim. Në të kundër asnjë çështje dytësore nuk devijon opozitën nga aksioni”, tha ai.
Lidhur me ndryshimet e njëanshme në Rregulloren e Kuvendit, Bardhi shprehu vendosmërinë e deputetëve jo vetëm për të qëndruar në aksionin që kemi nisur, por do i përgjigjemi përshkallëzimit që ka ndërmarrë mazhoranca.
“E papranueshme që një shumicë të marrë masa që i heq mandatin përfaqësuesve të opozitës.
Është provokim i rëndë i asaj që keni parë në këto dy muaj në Kuvend. I bëj thirrje SPAK që t’i shkojë deri në fund hetimeve për inceneratorin e Tiranës”, tha ai.
Discussion about this post