Muajt e fundit aksidentet rrugore janë shtuar muajt e fundit, të cilat për shkak të shpejtësisë së madhe, mos respektimit të rregullave të qarkullimit kanë shkaktuar 165 humbje jete gjatë vitit 2021.
Sipas qendrës kombëtare të urgjencave, të cilat shkojnë në vendngjarje për të dhënë ndihmën e parë, raportojnë në kohë reale për numrin e aksidenteve, i cili mbetet i lartë, ku kap shifrën e mbi 3 mijë aksidenteve.
“Nga janari deri në fund të nëntorit janë 3212 aksidente, përfshire edhe ato me motor dhe mjete të rënda” – thotë Skender Brataj.
Sipas tyre një tjetër problem është ndihma e shpejtë që qytetarët nuk dinë ta japin, pasi për të ndihmuar të aksidentuarin, nxitojnë që t’i transportojnë ata menjëherë, por në fakt më shumë i dëmtojnë, pasi një lëvizje e gabuar mund të shkaktojë paralizë të të aksidentuarve.
Brataj njofton se në Urgjencën Kombëtare vijojnë trajnimet e të gjithë personelit dhe grupeve që japin ndihmën e shpejtë, të cilët janë të pajisur me të gjitha mjetet e nevojshme.
Discussion about this post