Deputeti i PD, Saimir Korreshi, duke reaguar ndaj vendimit të Gjykatës Kushtetuese, e cila pezulloi ratifikimin e marrëveshjes me Italinë për emigrantët, tha se as Edi Rama vetë nuk e donte këtë marrëveshje.
Në një intervistë për Euronews Albania, Korreshi tha se Rama gjithçka e bëri për show.
“Kjo ka qenë një show i Ramës se në vetvete ai s’e ka dashur këtë marrëveshje, thjesht për të thënë që unë doja por shiko çfarë bën opozita, ndërkohë që kishte gjithë mundësinë që të konsultohej me opozitën, shteti nuk është personal, kryeministri nuk është njëshi i shtetit.
Ne presim transparencë, të respektohen institucionet. Nuk ka qenë qëllimi të prishim raportet me Italinë, por mënyra si nuk është bërë transparente, si nuk janë kaluar proceduar dhe janë shkelur të drejtat e njeriut me këtë marrëveshje”, tha Korreshi.
Discussion about this post