Ish-deputeti socialiste Pandeli Majko ka qenë njëri prej studentëve të dhjetorit në vitin 1990, të cilët u bën bashkë dhe përmbysën sistemin e komunizmit në vend. Pas asaj ngjarje, më vonë ai u bashkua me Partinë Socialiste dhe sot për herë të parë ka treguar arsyet e zgjedhjes së tij
Gjatë një interviste në emisionin “Opinion” ai u pyet përse nuk iu bashkua Partisë Demokratike si pjesa më e madhe e studentëve të asaj kohe, por zgjodhi Partinë Socialiste. Majko u shpreh se zgjodhi PS-në pasi nuk ishte antikomunist.
Blendi Fevziu: Je ndër të paktët dhjetoristë bashkë me Ilir Metën që nga takimi me Ramiz Alinë si përfaqësues i studentëve të protestës shkove te Partia Socialiaste ku u bëre dy herë Kryeministër.
Pandeli Majko: Për një arsye shumë të thjeshtë. Partia Demokratike nuk ishte partia ime. U ndava me ta miqësisht.
Blendi Fevziu: Po pse, Partia e Punës partia jote ishte?
Pandeli Majko: Kjo është njësoj si të pyesësh anëtarët e Partisë Komuniste pse shkuan me Partinë Demokratike. Partia Demokratike ishte partia e njerëzve që kundërshtonin komunizmin dhe ishin antikomunistë. Unë nuk isha komunist, por nuk isha antikomunist.
Blendi Fevziu: E pate të vështirë zgjedhjen?
Pandeli Majko: Shumë të vështirë.
Discussion about this post