Zv/sekretari amerikan i Shtetit Gabriel Escobar, i cili është i dërguari i SHBA për Ballkanin Perëndimor, pritet të vizitojë sot Shqipërinë.
Sipas axhendës së njoftuar nga ambasada amerikane, ai parashikohet të zhvillojë takime me kryeministrin Edi Rama, ministren e Jashtme Olta Xhaçka dhe kreun e PD-së, Lulzim Basha.
Vlen për tu theksuar se vizita e zyrtarit të lartë amerikan vjen vetëm dy ditë para se të zhvillohet kuvendi i 11 dhjetorit i thirrur nga ish-kryeministri Sali Berisha, dhe shumë analistë e lidhin këtë vizitë me non-gratën e tij.
Nuk dihet nëse Escobar do të flasë për non-gratën e ish-kryeministrit, por vizita e tij përkon dhe me faktin që sot SHBA do të njoftojë sanksione të reja për personat e shpallur si të padëshiruar atje.
Gjithsesi vizita e Gabriel Escobar, vjen në kuadër të një turi rajonal që ai po mban, ku para disa ditësh qëndroi në Maqedoninë e Veriut. Diplomati ishte këtë hënën në Shkup, ku tha se SHBA-ja mbështes fuqishëm integrimin e Maqedonisë së Veriut në Bashkimin Evropian.
Axhenda:
Takim me kryetarin e PD Lulzim Basha- ora 11:30
Takim me ministren e Jashtme Olta Xhaçka- ora 14:30-15:00
Takim me kryeministrin Edi Rama – ora 17:00
Discussion about this post