“S’ke nevojë për qira”, pronari i banesës p*rdhunon 38-vjeçaren

Një 38-vjeçare ka denoncuar pronarin e një banese, që kishte marrë me qera, për dhunë seksuale.

Ngjarja ka ndodhur në Prishtinë, ndërsa pronari i banesës, një 52-vjeçar u arrestua nga policia me urdhër të Prokurorisë.

Mediat raportojnë se 38-vjeçarja ka pohuar para policisë se i dyshuari kishte në pronësi një banesë në rrugën ‘Anton Harapi’ që ajo zgjodhi ta merrte me qira. Sipas saj, fillimisht ishin dakorduar për një shumë të caktuar për pagesën e qirasë, por më pas 52-vjeçari e ka detyruar që të kryejnë marrëdhënie seksuale së bashku dhe të mos paguajë me para.

Me shpresën që kjo situatë do të marrë fund, gruaja ka hezituar ta denoncojë rastin në Polici qysh në fillim.

Si rezultat i denoncimit, njësitë policore kanë arrestuar të dyshuarin dhe të njëjtin e kanë shoqëruar në stacion policor, ku është intervistuar nga organet e hetuesisë.

Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit policor dhe i njëjti do të hetohet nën dyshimet për kryerjen e veprës penale ‘Dhunim’.