Shkëmbenin drogë në varreza, si u zbulua banda italo-shqiptare

Një grup italo-shqiptar që vepronte në fushën e trafikimit të drogës u shkatërrua nga policia italiane.

Banda vepronte në zonën e Bolzanos, ndërsa droga shpërndahej me biçikleta, të cilat i shoqëronte edhe një qen pitbull.

Drejtuesit e grupit takoheshin në varreza, atje ku shkëmbenin drogën dhe më pas niste shpërndarja e saj në zonën Meran-Bolzano.

Operacioni policor në çoi në arrestimin e disa personave përfshiu 50 efektivë policie, qen anti-drogë, por edhe përgjime, mes anëtarëve të grupit.

Hetimi i policisë zgjati gjashtë muaj. Gjatë kësaj kohe tregtohej drogë me vlerë 200 mijë euro. Hetuesit e drogës konfiskuan mbi 1 kilogram kokainë dhe 75 mijë euro cash.

Fillimisht u zbulua një burrë rreth të 30-ave, që shpërndante drogën, teksa shëtiste me biçikletë, i shoqëruar nga një qen pitbull.

Hetimet u thelluan dhe policia zbuloi një kontraktor të vogël ndërtimi nga Shqipëria me qendër në Meran. Falë mbështetjes së disa prej anëtarëve të familjes së tij, ai furnizoi shumë tregtarë në Burggrafenamt. Ai vetë furnizohej me kokainë nga një mik i tij që jetonte në Eppan.