I dënuar në Itali për trafik droge, arrestohet 54-vjeçari në Durrës

Arian Malo është arrestuar nga policia e Durrësit, pasi ishte shpallur në kërkim ndërkombëtar për trafik droge.

54-vjeçari u arrestua në kuadër të operacionit ‘Perugia’ dhe u vu në pranga me qëllim ekstradimin në Itali.

‘Gjykata e Apelit e Perugias e ka dënuar 54-vjeçarin, me 4 vjet e 10 muaj burgim, për veprat penale “Trafikimi i lëndëve narkotike”, “Mospagimi i taksave dhe sigurimeve shoqërore” dhe “Deklarimi i rremë”, të  parashikuara nga Kodi Penal italian.’- njofton policia.

Interpol Tirana vijon të bashkëpunojë me homologët, për të kryer ekstradimin e shtetasit Arian Malo, në Itali.