Prokuroria e Elbasanit kërkon burgim të përjetshëm për Ardit Hidën, 26-vjeçarin, i cili dy vite më parë vrau me thikë një person dhe plagosi vëllain e tij.
Hida akuzohet për vrasje në rrethana cilësuese.
Ngjarja për të cilën akuzohet Hid aka ndodhur në vitin 2021, atëherë kur ai qëlloi me thikë Florenc Kovaçin, i cili humbi jetën, dhe plagosi vëllain e tij, Mikel Kovaçin.
“I godita sepse më ngacmonin motren 14 vjeçe. i jepnin alkool dhe lëndë narkotike. Në momentin që i takova me ofeduan rëndë, u kërkova të mos kishin kontakte me motrën time“, ka deklaruar dy vite më parë Hida, kur u arrestua nga Policia.
Njoftimi zyrtar
Në funksion të njoftimit të publikut dhe medias komunikohet se :
Prokuroria pranë Gjykatës së Shkallës së Parë të Juridiksionit të Përgjithshëm Elbasan ka dhënë konkluzionet përfundimtare në kuadër të procedimit penal Nr.1695 e vitit 2021, në ngarkim të të pandehurit Ardit Hida i akuzuar për kryerjen e veprës penale të “Vrasjes në rrethana të tjera cilësuese” parashikuar nga neni 79/dh i K.Penal në dëm të viktimave F.Kovaci dhe M.Kovaci, ngjarje e ndodhur në datë 05.11.2021 në vendin e quajtur “Sporti Vjetër” Elbasan, ku i pandehuri me dashje ka qëlluar me mjet të mprehtë në drejtim të shtetasve M. dhe F.Kovaci duke shkaktuar vdekjen e shtetasit F.Kovaci dhe të plagosë rëndë shtetasin M.Kovaci.
Në përfundim është kërkuar deklarimi fajtor i të pandehurit Ardit Hida, për kryerjen e veprës penale të “Vrasjes në rrethana të tjera cilësuese” e kryer kundër dy ose më shumë personave nga të cilët për njërin ka mbetur në tentativë të parashikuar nga neni 79 gërma “dh” i K.Penal, dhe në bazë të kësaj dispozite dënimin e tij me burgim të përjetshëm.
Discussion about this post