Noka: 3 kryetarë të partive opozitare po sulmohen nga SPAK, shqiptarët të reagojnë

Deputeti demokrat Flamur Noka tha mbrëmjen e së martës se tre kryetarë të partive opozitare po sulmohen nga SPAK dhe me urdhërat e Edi Ramës.

Në studion e OraNews, Noka tha se kreu demokrat Sali Berisha dhe kreu i PL-së, Ilir Meta, po sulmohen nga SPAK, ndërsa kreu i PR-së, Fatmir Mediu, me urdhër të ramës.

“Kemi Sali Berishën të Partisë Demokratike, Ilir Metën e Partisë së Lirisë që po sulmohet nga SPAK, kemi dhe Fatmir Mediun e PR-së që po sulmohen me urdhër politik të Edi Ramës.

Pra kemi 3 kryetarë të partive të opozitës që po sulmohen nga drejtësia me komandë e kryeministrit.

Nuk ka asgjë më shumë se rikthim të burgosjeve politike në Shqipëri.

Fakti që SKAP-i erdhi në Kuvend pa asnjë provë, dhe a e dëgjuat që Ermonela Felaj u shpreh e shqetësuar se Sali Beirsha po mbledh njerëz poshtë parlamentit dhe po mbledh njerëz. Sali Berisha e ka bërë publike që për çdo masë që do kalojë përmes rrugëve ligjore dhe kushtetuese unë do t’i përgjigjem.

Dy janë momentet që e nxjerrin zbuluar që SPAK është instrument politik dhe është nën urdhrat e Edi Ramës.

Ne jemi deputetë dhe Sali Berisha po ashtu, dhe çdo gjë që e bëjmë e bëjmë duke respektuar Kushtetutën.

Çfarë i kushtonte atyre që t’i referoheshin Kushtetutës. Ata e shkelin ligjin sepse ata të errësuar nga mllefi ndaj Sali Berisshës, sepse kishte filluar të fliste shumë për incineratorët dhe veçanërisht atë të Tiranës.

Po nxirrte prova dhe fakte që SPAK kishte shkelur ligjet…”, u shpreh ndër të tjera, Flamur Noka.

Në vijim, Noka i bëri thirrje shqiptarëve që t’i bashkohen opozitës në protestën e së enjtes para Parlamentit.

“Ne jemi këtu ashtu siç bëmë në vitin 1990 për të përmbysur një regjim kriminal që ua kishte pirë gjakun shqiptarëve dhe e njëjta situatë është edhe sot, kundër një regjimi kriminal.

Pra, nuk jemi për veten tonë, pasi ne po sakrifikojmë gjithçka për një kauzë që ka të bëjë me të drejtën e demokracisë. Mosbindja civile kështu nis, me protesta të vogla për të mos e lënë pushtetin të qetë, por do të vazhdojë në të gjithë Shqipërinë. Ashtu u bë edhe në 2021-n me 100 – 200 veta, pastaj u bënë lumë.

Sot grupi parlamentar është tërësisht i bashkuar në gjithçka.

Shqiptarët duhet të na bashkohen sepse qytetarëve shqiptarë po iu mohohet çdo e drejtë, kemi një opozitë që po burgoset dhe po rrezikojmë të kthejmë monizimin në vend”, tha ai.