Lefter Maliqi nga Berati thirrje Ramës për shkarkimin e kryebashkiakut Kreshnik Hajdari dhe kryerjen e zgjedhjeve të parakohshme në Kuçovë.
Deklarata e Lefter Maliqit erdhi menjëherë pasi SPAK, çoi për gjykim në Gjykatën e Posaçme të Krimeve të Rënda kryebashkiakun e Kuçovës, Kreshnik Hajdari.
Maliqi deklaroi se Hajdari nuk akuzohet vetëm për fallsifikim vulash e vetëdeklarim të rremë por ndaj tij kanë nisur hetimet edhe për 5 kallzime të tjera, që kanë të bëjnë me tendera korruptive dhe abuzime me miliona Euro nga taksat e qytetarëve, në bashkëpunim me firmën e Pëllumb Salillarit.
Ndërkohë Maliqi deklaron se përveç dënimit të fshehur në vitin 1999 në Greqi, sipas Prokurorisë së Përgjithshme Kreshnik Hajdari është deportuar edhe në vitin 2017 nga shteti grek. Maliqi gjithashtu i ka bërë thirrje kryeministrit Rama që të shkarkojë menjëherë nga detyra kryebashkiakun e Kuçovës dhe të njoftojë për zgjedhjet e reja në këtë bashki.
Duke deklaruar se ai do të paraqitet në çdo seancë në Gjykatën e Beratit ku pala që e ka akuzuar për shpifje nuk ka ardhur asnjëherë, Maliqi ka deklaruar se në SPAK Pëllumb Salillari dhe Kreshnik Hajdari kanë 5 kallzime penale, të bëra nga Maliqi, banorët e fshatit Lumas dhe deputetja Albana Vokshi.
Mësohet se sot Lefter Maliqi i ka kërkuar Gjykatës së Shkallës së Parë Berat që të pyeten si dëshmitarë edhe 300 banorë të rrethit të Kuçovës,që kanë firmosur kallzimet ndaj Kreshnik Hajdarit dhe Pëllumb Salillarit.
View this post on Instagram
Discussion about this post