Familja e Liridona Ademajt, gruas që u vra më 29 nëntor në Prishtinë, ka kërkuar një takim urgjent me Prokurorinë, për të marrë informacion mbi hetimet dhe zhvillimet lidhur me rastin.
Këtë e ka komentuar avokati, Arbër Jashari, i cili ka thënë se kërkesa e familjes ka ardhur, pasi është “terrorizuar” me informata edhe spekulative dhe “kjo ua ka rritur shqetësimin duke menduar se ç’po bëhet”.
“Mendoj që prokurori i ka njoftuar për çështjet kryesore. Por këtu çështje është se është bërë shumë zhurmë, dhe ajo familje gjatë ditëve të fundit ka qenë e “terrorizuar” me shumë informata, ndoshta edhe të karakterit spekulativ. Dhe kjo ua ka rritur shqetësimin duke menduar se ç’po bëhet. Në këtë fazë është mirë të njoftohet, nëse është marrë deklaratë e ndonjërit prej të pandehurve ose është marrë në pyetje ndonjë dëshmitarë.
Mendoj që Prokuroria mund ta njoftojë thjesht që është marrë kjo prove ose ajo, deri në atë sa ta ruaj konfidicialitetin e procedurës penale. Mendoj që për këtë fazë nuk pa pasur edhe ndonjë zhvillim, thjesht nuk është kryer ndonjë hap procedural, është caktuar masa e paraburgimit, ata akoma nuk e kanë kryer 30 ditshin e parë. Nuk besoj që ka ecur shumë prokuroria me veprime të rëndësishme sa që bëhet e domosdoshme ta njoftojë familjen”, ka thënë Jashari.
Discussion about this post