Një 26-vjeçar shqiptar, i cili kishte shkuar në Gjermani për të kultivuar cannabis u arrestua nga policia, ndërsa në banesën ku ai u kap, u zbuluan rreth 200 rrënjë bimë narkotike.
Sipas mediave gjermane, shqiptari u kap në Ahnatal-Weimar gjatë kontrollit të një banese.
Ndaj tij është vendosur masa e sigurisë së arrestit me burg, ndërsa disa javë më parë ishte arrestuar edhe një 30-vjeçar, që dyshohet se është bashkëpunëtor i 26-vjeçarit në kultivimin e narkotikëve.
Sipas mediave gjermane besohet se nga plantacioni ishin prodhuar rreth 30 kilogramë kanabis.
Përveç 200 bimëve në faza të ndryshme të rritjes, banesa e kthyer në një serë me dy kate kishte rreth 90 llamba, ngrohës të shumtë, ventilatorë dhe një sistem ventilimi.
Dhomat mbroheshin që të mos shiheshin nga jashtë nga konvertimet me panele të ndryshme. Policia po ashtu gjeti dhe një armë që më pas u sekuestrua.
Discussion about this post