“Ai ishte krahu im i djathtë, kuzhinieri më i mirë që kam pasur ndonjëherë në njëzet vjet punë”.
Giovanni D’Auria, kryekuzhinier dhe pronar i restorantit ‘da Giò’ në Via Nazionale në Seriate, është i dëshpëruar dhe mezi mban lotët.
Andon Kumria, një 23-vjeçar nga Covo, kishte punuar për të për disa vjet dhe vdiq të enjten, më 21 dhjetor në spitalin Papa Giovanni në Bergamo, ku u shtrua në spital pas aksidentit të rëndë që e pa të përfshirë natën midis 8 dhe 9 dhjetorit në autostradën A4, midis Capriate dhe Dalmine, shkruajnë mediat italiane.
“Nuk e di dinamikën e aksidentit, e di se kishte mjegull dhe Andoni humbi kontrollin e makinës,” tha Xhovani.
Incidenti ndodhi pak para orës 5.30 të mëngjesit, me tre të tjerë të përfshirë. Në vend, në Osio Sotto, kishin ndërhyrë dy ambulanca dhe dy makina mjekësore, përveç Policisë së Trafikut për të kryer veprimet ligjore dhe për të menaxhuar rradhët e gjata që ishin formuar në drejtim të Venecias.
Andoni ishte një djalë shumë i mirë, plot jetë, i përkushtuar ndaj punës.
Në këto dy vite nuk e kam dëgjuar kurrë të thotë ‘jo’ – thotë Xhovani, duke shtuar “ai ishte vërtet i apasionuar pas gatimit, aq sa kishte studiuar e madje kishte shkruar një libër. Ai ishte aq i mirë sa i shita atij pjesë të aksioneve të një prej kompanive të mia”.
“Ai kishte një ëndërr, për të shkuar në Amerikë. Ne donim të shkonim në një udhëtim atje së bashku”. Ai i dedikon një fjali: “Edhe sikur fati të na ketë ndarë, ti do të mbetesh përgjithmonë i gdhendur në zemrën time. Kalofsh një udhëtim të mirë, miku im.”
Andon Kumria, me origjinë shqiptare, lë pas të atin Haki, nënën Tefta, një vëlla dhe tre motra. Të shtunën në orën 11:45 funerali do të bëhet në vendin e tij.
Discussion about this post