Pas kompanisë “One”, hakerat iranianë që njihen si “Homeland Justice” nuk kanë ndalur sulmin kibernetik ndaj Shqipërisë.
Nga raportimet mësohet se preh e sulmit të tyre ka qenë edhe faqja e Kuvendit të Shqipërisë.
Hakerat njoftojnë se deputetët e korruptuar dhe uzurpuesit e karrigeve në Parlament do të paguajnë.
“Do të paguajnë edhe uzurpuesit e sediljeve të Kuvendit!
Deputetët tanë të korruptuar së shpejti do të shkatërrohen kur të kuptojnë se si demoni i tyre i brendshëm po i demonstrohet çdo kërkuesi të së vërtetës”, thuhet në mesazh.
Gjithashtu preh e sulmit të të njëjtit grupim hakerash është edhe kompania “Air Albania”.
Ende nuk dihet se çfarë të dhënash mund të jenë “rrëmbyer” nga “Homeland Justice”, por referuar rasteve të mëparshme, hakerat kanë publikuar jo vetëm të dhënat sensitive, por edhe komunikimet përmes e-mail të zyrtarëve të ndryshëm.
Discussion about this post