Shërbimi i Kontrollit të Brendshëm të Burgjeve ka arrestuar shefin e Policisë së burgut të Drenovës, Mariglen Kadiu.
Dyshohet se arrestimi i tij ka të bëjë me ngjarjet e fundit ne burgun e Peqinit. Ndaj kadiut Gjykata e Elbasanit ka caktuar masën e sigurisë arrest shtëpie, ndonëse Prokuroria kishte kërkuar atë të arrestit me burg. Por sipas raportimeve, kërkesa e prokurorisë u zbut nga gjykata me faktin se Kadiu ka një fëmijë autik.
Në 15 Dhjetor brenda burgut të Peqinit, u vra Arben Lleshi. Ai u ekzekutua me pistoletë nga një i dënuar tjetër, Sokol Mjacaj. Si pasojë e ngjarjes u plagos edhe Indrit Shaqja, i cili dyshohet ndër të tjera se bashkëpunoi me Mjacajn për vrasjen e Lleshit.
Në lidhje me këtë ngjarje janë lënë në burg edhe drejtori i komanduar Kamber Hoxha bashkë me 10 vartës të tij për shpërdorim detyre
Kadiu ka marrë detyrën e Shefit të Policisë në Burgun e Drenovës rreth 8 muaj më parë.
Discussion about this post