BKH dhe Policia e Shtetit po ushtrojnë një kontroll në zyrat e kompanisë farmaceutike “Delta Pharma” në Kashar, Tiranë.
Nuk dihet ende se për cilën hetimore është duke u ushtruar ky kontroll, por sipas disa raportimeve bëhet fjalë se kontrolli lidhet me disa prej dosjeve që SPAK po heton në lidhje me koncesionet në shëndetësi.
Nga raportimet mësohet se oficerët e BKH po ushtrojnë kontrolle dhe po sekuestrojnë dosje dhe dokumente në lidhje me aktivitetin e kompanisë gjatë viteve të fundit dhe kontratat me depot farmaceutike.
Nga raportimet mësohet se kontrolli ka lidhje me hetimin që po kryen SPAK për një nga koncesionet në shëndetësi.
Kontrolli në kompaninë farmaceuike është kryer pothuajse në të njëjtën kohë me një tjetër kontroll, atë në banesën e ish-ministrit të Shëndetësisë, Ilir Beqaj.
Për të dy kontrollet nuk ka informacione zyrtare se çfarë mund të kenë gjetur me interes në funksion të hetimit oficerët e BKH-së.
Discussion about this post