Rreth 2 ton medikamente mjekësore që tentonin të kalonin në portin e Durrësit në mënyrë të paligjshme janë kapur këtë mëngjes.
Sasia e ilaçeve sipas skemës të ngritur nga persona identiteti i të cilëve për arsye hetimore nuk bëhet i ditur do të shpërndaheshin si ndihma humanitare, në portin e Durrësit.
Autoritetet doganore ushtruan kontroll në automjetin me targa AA249NN, nga ku rezultoi se krahas mallrave të deklaruara, ishte dhe një sasi ilaçesh prej 1950 kg ose 8793 kuti me medikamente të ndryshme, të cilat kapin vlerën prej 119 mijë euro. Këto medikamente nuk dispononin dokumentacionin përkatës për importimin e tyre në territorin shqiptar, ndaj u sekuestruan.
Në pranga u vunë dy persona të identifikuar me iniciale A. B dhe A. P., për veprën penale “Kontrabandë me mallra të licencuara”.
Pritet të zbardhen detaje pas marrjes në pyetje të të arrestuarve në fjalë, ndërsa dyshohet se në këtë skemë mashtrim-kontrabandë janë përfshirë edhe persona të tjerë.
Materialet për rastin në fjalë janë referuar në Prokurorinë pranë Gjykatës së Shkallës së Parë Durrës.
Discussion about this post