Sekretari i Përgjithshëm i selisë blu, Flamur Noka reagoi pas vendimit të Gjykatës së Posaçme për arrestimin e kreut të opozitës shqiptare.
“Me vendimin e sotëm të Drejtësisë Politike mund të themi se Edi Rama e ktheu Shqipërinë në Rusinë e vogël të Europës me liderin e opozitës të arrestuar.
Sot lideri i opozitës, Prof. Dr. Sali Berisha arrestohet e burgoset pa asnjë akuzë, pa asnjë fakt e pa asnjë provë… thjesht sepse në liri dhe në aktivitet politik i kall datën Edi Ramës dhe bandës së pushtetit.
Arrestohet sepse po i diskreditonte çdo ditë e më shumë me fakte e prova Drejtësinë e Re Politike, e cila fsheh, asgjëson provat për Erion Veliajn, Engjëll Agaçin dhe kreun e regjimit Edi Rama dhe sajon dosje politike për krerët e opozitës…
SPAK dhe GJKKO pas këtij vendimi rikthyen Sigurimin e Shtetit si organe dhune të diktaturës ndaj kundërshtarëve të regjimit. Llogaritë i kanë bërë gabim.
Mosbindja civile për të gjunjëzuar këtë narkoregjim për opozitën dhe shqiptarët është rruga e vetmë.
O sot, o kurrë…!” shkruan Noka.
Discussion about this post