Këtë të dielë do të nisë raundi i 13 i ndeshjeve në elitën e futbollit shqiptar. Ndeshjet e kësaj jave të Superligës janë planifikuar që të zhvillohen në tre ditë të ndryshme.
E diela do të sjellë dy takime Kastrioti-Egnatia do të ndeshen të parat në takimin e orën 13:45 në stadiumin e Kamzës. Ky takim pritet të jetë shumë i luftuar nga të dyja palët që ndodhen në zonën e rrezikut me krutanët që qëndrojnë në vend të fundit të tabelës me 5 pikë dhe rrogozhinasit që renditen të nëntët me 11 pikë, po aq sa Skënderbeu i vendit të tetë.
Në orën 16:45 të kësaj dite Vllaznia do të presë korçarët në ‘Loro Boriçi’, në një ndeshje që pritet të jetë goxha interesante. Vendasit vijnë nga fitorja 1-0 ndaj Partizanit, teksa Skënderbeu ka triumfuar në shtëpi ndaj Egnatias me rezultatin 2-0 dhe kërkon një tjetër 3-pikësh që të largohet nga zona e rënies.
E hëna sjell dy supersfida të tjera, ndër të cilat është edhe derbi. Në orën 16:45 kemi përballjen mes kampionëve ende në fuqi dhe Kukësit. Teuta i është rikthyer fitores në takimin me Dinamon, 3-pikësh që i mori nga rezultati minimal 0-1, teksa Verilindorët vijnë pas disfatës 1-2 ndaj Laçit dhe po ashtu do kërkojnë të forcohen që të mos krijojnë shkëputje më të thellë në renditje nga Tirana e vendit të parë.
Teksa ora 19:45 do të risjellë derbi në kryeqytet, me Partizanin që do të presë Dinamon për këtë raund. Të dyja këto skuadra janë duke vuajtur mungesën e rezultateve. Aktualisht ‘Të kuqtë’ renditen në vend të 6 me 15 pikë, teksa ‘Blutë’ qëndrojnë një pozicion më poshtë me 13 pikë të grumbulluara deri më tani.
Ndeshja e fundit dhe që mbyll këtë javë është ajo midis Tiranës dhe Laçit. Të dyja këto ekipe janë në top formë dhe pritet që të hënën në orën 13:45 të kemi një supersfidë. Tirana vjen në këtë ndeshje pas fitores ndaj Kastriotit, teksa Laçi fitoi një duel të fortë veri ndaj Kukësit.
‘Bardheblutë’ e kryeqytetit do tentojnë të shkëputen më tej në krye të tabelës, teksa kurbinasit kërkojnë t’i afrohen sa më shumë asaj, ndaj nga të dyja polet pritet të japin gjithçka në fushë.
Ndeshjet dhe oraret:
E dielë
Kastrioti-Egnatia (13:45)
Vllanzia-Skënderbeu (16:45)
E hënë
Teuta-Kukësi (16:45)
Partizani-Dinamo (19:45)
E martë
Laçi-Tirana (13:45)/K.T/Gijotina.com
Discussion about this post