Gjykata e Posaçme e Apelit ka caktuardatën 20 dhjetor për të mbajtur seancën ndaj ish-ministrit të Brendshëm, Saimir Tahiri. Seanca do të nisë në orën 09:00, ditën e hënë.
Mësohet se çështja e ish-ministrit do të gjykohet nga Daniela Shirka, ndërkohë që një tjetër anëtare e trupës gjykuese është caktuar Ilirjana Olldashi. Anëtari i tretë pritet të delegohet nga Këshilli i Lartë Gjyqësor, pasi ende nuk është caktuar për të plotësuar trupën e togave të zeza.
Kujtojmë se disa javë më parë, Gjykata e Lartë zbardhi vendimin për ish-ministrin duke regjistruar çështjen në Gjykatën e Posaçme të Apelit për Korrupsionin dhe Krimin e Organizuar. Por kjo gjykatë vendosi rikthimin e çështjes për shqyrtim tek një trupë tjetër në GJKKO, me pretendimin se procesi ka pasur shkelje procedurale.
SPAK e akuzoi për trafik droge, por gjykata ish-ministrin e Brendshëm e dënoi vetëm për shpërdorim detyre, ndërsa me prishjen e vendimit nga Gjykata e Lartë, dosja rikthehet edhe njëherë në Apel. Tahiri u dënua me 5 vite burg, e cila iu konvertua në 3.4 vite shërbim prove.
Discussion about this post