Antonio Rudiger, Andreas Christensen dhe Malang Sarr janë ndër opsionet e Milanit për të zëvendësuar Simon Kjaer, por rikthimi i Mattia Caldara është gjithashtu një opsion i mundshëm.
Sipas raportimeve të mediave në Itali gjigantët e Serie A janë në kërkim të një qendërmbrojtësi të ri pas dëmtimit të gjurit të Kjaer, i cili do ta mbajë kapitenin e Danimarkës jashtë fushës për të paktën gjashtë muaj.
Duket se ‘kuqezinjtë’ e Italisë i kanë vënë syrin Christensen, Rudiger dhe Sarr, të gjithë nën kontratë me Chelsean.
Marrëveshjet e Christensen dhe Rudiger skadojnë në qershor 2022, por sipas Fabrizio Romano, bashkatdhetari i Kjaer Christensen do të nënshkruajë një marrëveshje të re me gjigantët e Premier League në javët e ardhshme.
Sipas ‘Il Corriere dello Sport’ dhe ‘Tuttomercatoweb’, Rudiger është një tjetër opsion për kuqezinjtë.
Milani thuhet se ka hapur bisedime me agjentin e lojtarit dhe Chelsean, me të cilin janë në marrëdhënie të mira. Megjithatë, nënshkrimi i ish-mbrojtësit të Romës mbetet një detyrë e vështirë për Paolo Maldinin dhe Ricky Massara, pasi Chelsea shpreson të vazhdojë kontratën e tij.
Sarr do të ishte opsioni më i mundshëm, nëse Milani merr qendërmbrojtësin e ardhshëm nga Stamford Bridge. 22-vjeçari ka vetëm katër paraqitje me blutë këtë sezon. Megjithatë do duhet të pritet deri në merkaton e janarit për të zbuluar se cili do të jetë zëvendësuesi i Kjaer për muajt që ai do duhet të qëndrojë jashtë fushës së blertë për shkak të dëmtimit./K.T/Gijotina.com
Discussion about this post