Kërcënonin me thikë dhe grabisnin qytetarët në rrugë, 3 të arrestuar

Tre persona janë arrestuar nga policia e Tiranës pasi dyshohet se grabisnin me dhunë qytetarët në rrugë.

Të arrestuarit përdornin thika dhe pisroleta imituese për të kërcënuar qytetarë të ndryshëm, të cilëve më pas i grabisnin celularë, para, apo sende me vlerë që mund të kishin me vete. Arrestimet janë kryer nga shërbimet pranë komisariatin nr 2 në Tiranë.

Të arrestuarit janë të moshës 16-17 vjeç dhe vepronin në zonën rreth Piramidës apo pranë Kryeministrisë dhe rrugicat aty pranë. Kryesisht të arrestuarit, që akuzohen për grabitje me dhunë, vidhnin bashkëmoshatarë të tyre apo grupe të rinjsh.