Bedrie Loka, nënë e katër fëmijëve, ndërroi jetë më 2 janar, teksa u gjet në banesën e saj nga bashkëshorti, në gjendje të rëndë shëndetësore, pasi kishte konsumuar fotoksinë.
Fillimisht u raportua se 41-vjeçarja kishte ndërmarrë aktin ekstrem pasi përmes një profili fals ishte bullizuar në rrjetin social TikTok. Por një tjetër pistë po hetohet nga policia, e cila ka ndaluar bashkëshortin e viktimës, Xhemal Lokën. Ky i fundit dyshohet se ka dhunuar bashkëshorten e tij, sipas pretendimeve të familjarëve të Bedries, çka ka ngritur dyshimet se një nga pistat që 41-vjeçarja mund të ketë ndërmarrë aktin ekstrem është pikërisht dhuna.
Sot mediat raportuan se Xhemal Loka ishte kthyer nga Greqia dhe e kishte kërcënuar me thikë gruan për ta vrarë, në prezencë të njërit prej fëmijëve të tyre.
Gjithsesi ngjarja vijon të mbetet me mister, përsa kohë organet ligjzbatuese nuk kanë zbardhur ende shkakun që kanë shtyrë 41-vjeçaren drejt vetëvrasjes.
Lidhur me ngjarjen e rëndë ka reaguar edhe Zaimina Vasjari, ku siç pohon edhe vetë kjo e fundit, viktima punonte në fasonerinë e saj.
Zaimina shprehet se askujt nuk i interesoi historia e një gruaje të dhunuar por iu interesoi historia e Tik Tokut. “Tani prehu në paqe Bedrie”, e mbyll mesazhin e saj Zaimina.
Discussion about this post