Shtyhet procesi gjyqësor ndaj biznesmenit Rezart Taçi

Procesi gjyqësor ndaj Rezart Taçit është shtyrë për në datën 18 janar. Kjo pasi avokatja e tij ka kërkuar pushimin e çështjes.

Pala mbrojtëse ka kërkuar pushimin e çështjes duke argumentuar, se Italia e ka pushuar çështjen për dy të dyshuarit atje.

Kujtojmë se Gjykata e Posaçme kundër Krimit të Organizuar dhe Korrupsionit (GJKKO) ka dënuar me burg shoferin dhe kunatin e biznesmenit të hidrokarbureve, Rezart Taçi.

GJKKO ka dënuar me 10 vite burg shoferin Bledar Lilo dhe me 11 vite burg kunatin, Artur Ballën, të cilët janë të akuzuar për “pastrim parash”.

Ka akuza se Taçi me grupin e tij për të pastruar para në vendin tone, të një shifre mbi 18 milion euro. Përveç dy personave, të cilët morën dënimet përkatëse nga GJKKO, Taçi mësohet se për të realizuar skemën e pastrimit të parave kishte përdorur edhe katër shtetas italianë.