Një 83-vjeçar nga Shkodra u arrestua pasi qëlloi me armë gjahu tre të rinj nga ballkoni i shtëpisë.
Ai qëlloi nga kati i pestë i banesës së tij, drejt tre të rinjve që po qëndronin në rrugë.
Dyshohet se 83-vjeçari ishte nën efektin e alkoolit dhe pas mbërritjes së policisë ka refuzuar të dorëzohej, duke i thënë policëve “ikni se do ju vras”. Djali i tij u përpoq që të negocionte me të, por pas tre orësh negociata u desh ndërhyrja e forcave speciale që ndërhynë nga ballkoni për ta arrestuar.
Efektivët i bënë thirrje disa herë që të dorëzohet, por 83-vjeçari Fasli Hyka nuk ka pranuar duke mbushur çiften në shenjë rezistence.
Edhe pas ardhjes së Forcave të Ndërhyrjes së Shpejtë, sërish i moshuari nuk pranoi të dorëzohej. Pas pak minutash mbërriti edhe djali i autorit të dyshuar, Fatmir Hyka, por 83-vjeçari refuzoi edhe të birin me të cilin nuk kishte komunikim të mirë 3-4 vitet e fundit.
Në këto kushte forcat e FNSH hodhën zhurmuesen brenda banesës dhe arritën të futeshin brenda duke arrestuar të moshuarin Fasli Hyka pas një operacioni që zgjati për afro 3 orë e gjysëm.
83-vjeçarit pas arrestimit iu gjet çiftja me të cilën qëlloi në drejtim të tre të rinjve, si dhe një armë tjetër automatik kallashnikov që e mbante në shtëpi të cilat u sekuestruan në cilësinë e provës materiale
Çiften deri në vitin 2012 e kishte me leje ndërsa prëj asaj kohe e mbante pa leje në banesë. Ndërkohë mësohet se Fasli Hyka vuan nga problemet e shëndetetit mendor ndërsa ka edhe disa sëmundje të tjera, si dhe ka humbur shikimin tek njëri sy.
Komshinjtë dhe tregtarët e lagjes Rus thanë se 83-vjeçari është një person problematik, i cili sipas tyre i ka kërcënuar edhe herë të tjera.
Discussion about this post