Franz Beckenbauer u nda dje nga jeta në moshën 78-vjeçare. “Der Kaiser” ishte një nga futbollistët më të mirë që kanë luajtur në mbrojtje, teksa me Gjermaninë dhe Bayernin e Munihut ka fituar 20 trofe, përfshirë edhe 2 herë Topin e Artë në vitet 1972 dhe 1976.
Franz Beckenbauer ka qenë edhe në Shqipëri gjatë viteve 1971, kjo për eliminatoret e Kupës së Botës. Në një foto, Franz Beckenbauer duket në bulevardin “Dëshmorët e Kombit” si edhe në aeroportin e Rinasit.
Gjithashtu Franz Beckenbauer ka një pamje me Panajot Panon, kapitenin e Kombëtares së asaj kohe. Mbrojtësi gjerman shprehej pas ndeshjes se Pano ishte një ndër sulmuesit më të fortë me të cilin ishte përballur dhe pas duelit i dhuroi shqiptarit këpucët e tij të lojës. Gjermania Perëndimore fitoi 0-1.
Po atë vit, fotoja në aeroportin e Rinasit është më e veçantë dhe tregonte realitetin e periudhës komuniste. Të gjithë të huajt që futeshin në vendin tonë duhet të dezinfektoheshin, për mos futur asnjë mikrob nga jashtë.
Discussion about this post