Gazetari Arian Çani i ftuar në emisionin “Now” në Euronews Albania, foli në lidhje me vendosjen e Blendi Gonxhes si ministër në vend të Elva Margaritit.
Ai theksoi se një nga arsyet që Gonxhe u bë ministër është se do të ndërtohet pista e Formulës në Elbasan.
“Ju e dini që një nga arsyet që Gonxhja u bë ministër pas kaq vitesh është se do të ndërtojë pistën e Formulës në Elbasan. Tani po flitet për mirëqenie e pasuri, kur lideri është i padiskutueshëm”, tha Çani.
Gazetari e vlerësoi Kryeministrin si një marketues shumë të mirë, nisur nga fakti se zgjodhi një resort në Lezhë për të zhvilluar mbledhjen dy ditore të Qeverisë.
“Nuk më shqetëson që është bërë në një resort se duke ditur filozofinë e Ramës që është një marketues i niveleve të larta, mjafton të shohëhs numrin e turistëve që erdhën në Shqipëri, pavarësisht ç’mund të thonë, ja njoh si meritë. PR është gjëja që ai bën me më shumë pasion, kështu që forma është shumë e rëndësishme në ditët tona. Unë mendoj se kjo e Shëngjinit, edhe nëse është resort, është pjesë e promovimit”, tha Çani.
Discussion about this post