Që kur kreu i Partisë Demokratike, Lulzim Basha mori vendimin për ta larguar nga grupi parlamentar i Partisë Demokratike, ish-liderin e Sali Berisha, situata në selinë blu nuk ka qenë e qetë.
Ky vendim pasoi aksionin e Berishës kundër Bashës, duke nisur “foltoren” me demokratët e thjeshtë nga veriu në Jug. Në çdo takim, Berisha ngrinte akuza dhe Basha që i përgjigjej në kundërakuza duke futur kështu frymën përçarëse në këtë parti.
Kjo përçarje shihet edhe në dy Kuvendet që janë vendosur të mbahen, i Berishës në datën 11, pra ditën e nesërme dhe i Bashës në datën 18. Në akuzat midis dy kampeve, është përfshirë edhe emri i kryeministrit Edi Rama, si ai që “ndihmoi” në këtë përçarje. Të gjitha këto zhvillime, kanë sjell vetëm një rezultat, përçarjen e PD-së dhe ndarjen në dy kampe.
Për këtë, Gijotina.com zhvilloi një sondazh se kush ishte përgjegjësi që përçau demokratët, duke dhënë tre alternativa, Berisha , Basha apo Rama.
Dhe nga 8390 votues në total, në vend të parë është Berisha që kë marrë 39% të votave, në vend të dytë Basha me 36% të votave dhe Rama me 25% të votave. Pra, sipas sondazhit të Gijotina.com, ish-lideri Sali Berisha shihet si përçarësi i Partisë Demokratike.
Ndërkohë, për t’i paraprirë dy Kuvendeve që do të mbajë Partia Demokratike, Gijotina.com ka hapur sondazhin e ri me pyetjen: tek cili Kuvend do merrni pjesë? Alternativat janë tre 18 dhjetor, asnjëri dhe 11 dhjetor.
Discussion about this post