Agjenti i Erling Haaland, Mino Raiola e cilësoi Manchester Cityn si një nga klubet e mëdha ku futbollisti mund të transferohet, krahas Real Madridit, Bayern Munich dhe Barcelonës.
Por trajneri i anglezëve, Pep Guardiola nuk ka preferuar të flasë për deklaratën e Raiolës, edhe pse më parë e ka lavdëruar publikisht Haaland, kur City u përball me Dortmundin në Champions League.
“Mos më pyesni për këtë. Unë nuk do të përgjigjem,” tha spanjolli gjatë një konference për shtyp.
Kujtojmë që City kaloi pjesën më të madhe të merkatos së fundit duke u përpjekur të blejë sulmuesin e Tottenham-it, Harry Kane por nuk ia doli dot dhe anglezi konfirmoi javën e fundit se do të qëndronte në Londër.
Ndërsa ishte në kërkim të një sulmuesi, City u përfol gjithashtu për blerjen e bujshme të Cristiano Ronaldos, por ky i fundit zgjodhi të rikthehej te rivalët e Manchester United.
Discussion about this post