Nga dritarja e banesës ku ndodhet në arrest shtëpie prej dy javësh, ish-Kryeministri Sali Berisha iu përgjigj Rilindasve të Edi Ramës, të cilët pretendojnë se me fjalimet që mban drejtuar mbështetësve, kreu demokrat po shkel vendimin e GJKKO.
Berisha në reagimin e tij ka zgjedhur shprehjen e famshme që po vetë e ka përdorur: o budallenj, jam Sali Berisha unë.
“Dëgjoni dhe shikoni hajdutët që kanë frikë të tmerrshme sepse nga mëngjesi deri në darkë, gromësijnë vjedhjet e tyre.
Dëgjoni çfarë thonë, po flet, po shkel rregullat Sali Berisha, po shkel vendimet Sali Berisha.
Më lejoni t’u them këtu, or budallenj, unë jam Sali Berisha.
Dhe dëgjoni këtu t’u them se Sali Berisha ka një Kushtetutë të vendit, të cilën e ka respektuar me rigorozitetin më të madh sepse ajo është Kushtetutë demokratike.
Por krahas saj, kushdo që e shkel atë, Sali Berisha ka një Kushtetutë të dytë, të cilën nuk ia shkel dot njeri mbi tokë përveç Zotit dhe kjo është ndërgjegjja e tij.
Mjerë ai që mendon dhe beson se mund t’i shkelmojë Sali Berishës, Kushtetutën supreme, Kushtetutën e ndërgjegjes së tij.
Ndaj dhe i them edhe njëherë, Edvin, rruga e Surrelit është rruga e turpit, është rruga e vjedhjes, është rruga e drogës, është rruga e mashtrimit, është rruga e dështimit.
Rruga nën ballkon është rruga e fitores, është rruga e shpresës, është rruga e besimit, është rruga e shqiptarëve, është rruga e fitores”, tha Berisha.
Discussion about this post