Pak orë më parë Gijotina.com denoncoi se tuneli që lidh rrugën “Kardhiq-Delvinë” është shembur sot në hyrje dhe rruga është bllokuar. Me anë të dokumenteve u tregua se janë shpenzuar me miliona euro nga xhepat e qytetarëve për këtë tunel dhe sapo filluan shirat ai u shemb, çka tregon se punimet nuk janë bërë në cilësinë e duhur. Në lidhje më këtë situatë ka reaguar pak minuta më parë kompania përgjegjëse “Gjoka Konstruksion” sh.a, e cila e gjendur ngushtë nga fakti që projekti i saj po bëhet skandal në rrjet, është justifikuar duke ia hedhur fajin medieve.
Përmes një deklarate publike kompania në fjalë thotë se videot dhe fotot që qarkullojnë në medie nuk janë të vërteta, pasi rruga nuk është shembur por gjithçka është pjesë e punimeve. “Gjithçka e shpërndarë nëpërmjet fotove në media është pjesë rutinore e punës dhe punimet e përfunduara në tunel nuk kanë pësuar asnjë cedim. Tuneli ka afat kontraktual dorëzimi vitin 2023, por ne sipas avancimeve të punimeve të kryera deri më sot pritet ta dorëzojmë veprën tunelin Kardhiq –Delvinë të përfunduar në Pranvere 2022 të sigurt dhe të hapur për qarkullim”, thuhet në reagim.
Por, video që disponon Gijotina.com dhe deklaratat e qytetarëve tregojnë me fakte se tuneli është shembur.
Discussion about this post