Mediat greke kanë publikuar të tjera detaje lidhur me krimin e rëndë, atë të vrasjes së 41-vjeçares shqiptare Gjeorgjina Murati, e cila u ekzekutua në muajin e 3-të të shtatzënisë nga bashkëjetuesi i saj dhe një shoku i tij.
Në videon e regjistruar nga një kamera sigurie, tregohen dy burrat, partnerin e gruas fatkeqe dhe shokun e tij, duke mbajtur trupin e saj në natën e ndërrimit të viteve në Kalamaria.
Në videon specifike prej 13 sekondash fiksohen lëvizjet e autorëve rreth 4.5 orë pas vrasjes që ata kryen në shtëpinë e 41-vjeçares në Kalamari. Konkretisht, ata duket se po mbajnë një dyshek të ri sipër mjetit dhe do ta çojnë në banesë.
Rreth dy orë më herët autorët kanë zhvendosur trupin e gruas në një zonë të shkretë të Halkidikit, dhe më pas janë kthyer në shtëpi, kanë hequr dyshekun nga shtrati plot gjak dhe e kanë hedhur rreth 150 metra larg.
Më pas ata morën një dyshek të ri, atë të paraqitur në video dhe e vendosën në shtrat për të mbuluar gjurmët.
“Shoku im bëri gjithçka”, thotë partneri i 41-vjeçares. Dy autorët japin versionet e tyre të ndryshme për atë që ka ndodhur.
“Nuk kam asnjë përfshirje në vrasje, nuk dija asgjë. Unë isha në shtëpi dhe po flija. Nuk kam asnjë përfshirje dhe me sa duket shoku im ka bërë gjithçka pasi ka treguar edhe vendin ku ndodhej trupi”, argumenton partneri i 41-vjeçares Gjeorgjina Murati.
Sipas avokatit mbrojtës të 39-vjeçarit, Othona Papadopoulos, i pandehuri mohon përfshirjen e tij në vrasje, pohon se nuk ka pasur asnjë përfshirje dhe se nuk ka pasur dijeni për vdekjen e saj. Ndërkohë, 39-vjeçari ka gjithsej 45 rekorde për raste të ndryshme, përfshirë rrahje, dhunë në familje dhe akuzë për përdhunim të motrës.
Nga ana e tij, i pandehuri i dytë, 34 vjeç, pretendon se nuk dinte asgjë për aktin e vrasjes dhe se qëllimi i tij atë natë ishte grabitja e viktimës. “Nuk ka pasur asnjë motiv tjetër, aq më pak qëllim vrasjeje”, thekson avokati që e përfaqëson, Giorgos Parigoris.
“Fillimisht ka marrë pjesë në imobilizimin e gruas dhe më pas, pas një tundje me kokë nga i akuzuari i parë, është nisur për në katin e poshtëm ku ka qëndruar për një kohë. Më pas i akuzuari i parë ka zbritur nga banesa dhe e ka njoftuar se gruaja ka vdekur”.
34-vjeçari pretendon se viktima ishte gjallë për sa kohë ka qenë prezent në banesë, ndërsa pranon se ka marrë pjesë në procesin e transportimit të kufomës në zonën pyjore të Selanikut.
për të parë videon e re klikoni KETU
Discussion about this post