Në një kohë krize kur shumë familje të kryeqytetit po përballen me rritjen e çmimeve dhe me vështirësitë e jetës së përditshme, Bashkia e Tiranës vazhdon që taksat e qytetarëve që t’i shpërdoroj për blerje imediate.
Në një tender të hapur në datën 9 dhjetor, Bashkia e Tiranës parashikon të blejë pajisje ndihmëse për Policinë Bashkiake, konkretisht fenelina që vendosen në makinat e Policisë. Ky tender mban numrin e referencës REF- 14507-12-09-2021, ka një fond limit prej 2,070,833 lekë të reja pa TVSH, ose rreth 21 milionë lekët vjetra me TVSH.
Pra, Erion Veliaj ka vendosur që rreth 21 milionë lekë t’i çoj për dritat e policisë, të cilat kohët e fundit i ka shtuar nëpër rrugët e Tiranës për të kapur hallexhinjtë që shesin në rruga apo për të vënë gjoba në makinat e parkuara në rrugët që ka ngushtuar me korsitë e biçikletave.
Kujtojmë se në datën 2 kur ndezi dritat e pemës në sheshin “Skënderbej”, bënte thirrje që në këtë fundvit qytetarët të jenë sa më solidarë dhe të ndihmojnë njerëzit në nevojë.
“Dua shumë që ky të jetë edhe një fundvit ku ne jemi më të mirë e sidomos solidar me ata që kanë më shumë nevojë, me ata që ndoshta kanë humbur një familjar, me ata që ndoshta janë ende në pritje të rindërtimit të shtëpisë prej tërmetit” – u shpreh Veliaj.
Që kreu i Bashkisë Tiranë t’i konkretizojë fjalët që thotë, e ka shumë të thjesht, lekët e tenderëve që bën për blerje imediate, t’i çojë për ata që kanë më shumë nevojë, me ata që ndoshta kanë humbur një familjar, me ata që ndoshta janë ende në pritje të rindërtimit të shtëpisë prej tërmetit.
Gijotina.com
Discussion about this post