Steven Gerrard është gati për t’u rikthyer në “Anfield” këtë të shtunë, teksa skuadra e tij, Aston Villa do të përballet me Liverpool. Ndryshe nga koha kur ishte lojtar, ish-mesfushori është gati të kthehet në antagonist, në vendin ku dikur ishte hero.
Gerrard ka deklaruar se do tëshkojë në Liverpool për të marrë tre pikët, edhe nëse bëhet armiku i ditës për “të kuqtë”.
“Unë me të vërtetë e respektoj dhe e kuptoj zhurmën rreth ndeshjes për arsye të dukshme, sepse po kthehem në një klub ku kam kaluar shumë vite. Unë jam një djalë vendas dhe ishte skuadra që kam mbështetur duke u rritur dhe gjithmonë do ta mbështes atë ekip. Por në të njëjtën kohëkjo më bën të buzëqesh, sepse kam mundësinë të shkoj atje dhe të konkurroj kundër një ekipi të mirë me një trajner të mirë, me mundësinë për të fituar ndeshjen dhe ky është fokusi im i vetëm kryesor”, tha Gerrard në konferencën e tij për shtyp të premten.
Discussion about this post