Hetimet lidhur me ngjarjen e ndodhur mbrëmjen e të dielës në Vlorë, ku u ekzekutua me snajper, 23-vjeçari Gëzim Sinomati, janë ende në vijim. Lidhur me ngjarjen burime bëjnë me dije se drejtori i Përgjithshëm i Policisë, ndodhet sërish në Vlorë ditբn e sotme ku edhe ka zhvilluar takime me ekspertë dhe grupin hetimor të ngritur për zbardhjen e kësaj ngjarjeje.
Nga ana tjetër, nga këqyrja e kamerave të sigurisë, policia dyshon në përfshirjen e disa personave në këtë vrasje. Verifikime po kryhen edhe mbi disa automjete që dyshohen se mund të ketë larguar autorët e ngjarjes dhe pas djegies së automjetit tip BMW pas krimit.
Discussion about this post