Komisioni Qendror i Zgjedhjeve i ka dhënë mandatin e deputetit të Arben Ahmetajt, anëtarit të Këshillit Bashkiak të Tiranës, Plarent Ndreca.
Sot pritet të bëhet edhe betimi në seancën plenare.
“Vendos dhënien e mandatit të deputetit të Republikës së Shqipërisë, kandidatit të radhës të listës shume emërore të Partisë Socialiste, për zonën zgjedhore qarku Tiranë, Plarent Ndrecës.
Kundër këtij vendimi ankimimi mund të bëhet në Komisionin e Ankimimeve dhe Sanksioneve brenda 30 ditëve nga shpallja e vendimit. Ky vendim hy në fuqi menjëherë dhe botohet në fletoren zyrtare”, u shpreh kreu i KQZ-së, Ilir Celibashi.
Mandati i Arben Ahmetajt do i kalojë Plarent Ndrecës, pasi ky i fundit bëri 6 muaj pa shkuar në Kuvend më 6 Janar 2024.
Mandati i Ahmetajt duhet t’i kalonte kandidates pasardhëse në listë, drejtueses Agjencisë Shtetërore të Kadastrës, Dallëndyshe Bici, por kjo e fundit refuzoi duke i kaluar kështu Ndrecës.
Arben Ahmetaj është në hetim për korrupsion pastrim parash e fshehje pasurie në lidhje me dosjen e inceneratorëve e ndaj tij është lëshuar urdhër arresti ndërkombëtar.
Discussion about this post