Numri i demokratëve që po i bashkohet Kuvendit të thirrur nga ish-kryeministri Sali Berisha po rritet nga momenti në moment. Brenda ambienteve të stadiumit “Air Albania”, ku po zhvillohet Kuvendi, shihet një fluks i madh mbështetësish të Berishës të cilët gjenden tashmë në karriget e stadiumit.
Një detaj interesant është pikasur në një prej hyrjeve, ku simpatizantëve u është dhënë një flamur, ujë e biskota. Në fakt, vetë Berisha, ka paralajmëruar mbështetësit e tij të vishen mirë për shkak të motit të keq.
Ndonëse ishte paralajmëruar që Kuvendi do të niste në orën 10:00, shumë simpatizantë janë ende tek hyrja ku po bëhet verifikimi, ndërsa ish-kryeministri nuk ka ardhur ende.
Discussion about this post