Socialistët kërkojnë përjashtimin e deputetëve Gazment Bardhi dhe Flamur Noka nga punimet e Parlamentit. Kërkesa e socialistëve i referohet seancës së fundit plenare, ku sipas tyre, dy deputetët e opozitës penguin Presidentin e Republikës bajram Begaj të mbajë fjalën në Kuvend.
Dy deputetët e PD-së, akuzohen nga socialistët, se kanë shkelur disiplinën, ndërsa kërkesa pritet të shqyrtohet nga Komisioni i Etikës.
Në seancën e fundit parlamentare, deputetët Gazment Bardhi dhe Flamur Noka i kërkuan kryeparlamentares Lindita Nikolla që të nxjerrë nga salla e Kuvendit forcat e shtuara të Gardës. Nikolla, ashtu si edhe në seancat e mëparshme parlamentare, megjithë tensionet në sallë. Seanca zgjati jo më shumë se 15 minuta, ndërsa në lozhën e Kuvendit, krahas Presidentit ishin të pranishëm edhe përfaqësues të Trupit Diplomatik të akredituar në Tiranë.
Opozita akuzoi Bajram Begajn se është kthyer në një ministër propaganda për Qeverinë e Edi Ramës dhe është bërë palë në konfliktin dhe përplasjen politike mes pozitës dhe opozitës. Kjo e fundit prej muajsh proteston në Kuvend duke kërkuar nga mazhoranca të drejtat e saj për ngritjen e Komisioneve Hetimore.
Por mazhoranca e drejtuar nga Edi Rama e lidh protestën e deputetëve të opozitës me përballjen ligjore të kreut demokrat Sali Berisha, i cili po hetohet nga SPAK. Seanca e së hënës ishte e para kur në sallën e Kuvendit mungoi Berisha, i cili prej 30 dhjetorit ndodhet në arrest shtëpie me vendim të GJKKO-së, pasi Parlamenti miratoi më parë autorizimin për arrestimin e tij.
Discussion about this post