Shembet fasada e një pallati në Milot në Bashkinë e Kurbinit. Pallati ishte restauruar si pjesë e procesit të rindërtimit, por duket se nuk i ka rezistuar motit të keq që përfshiu vendin.
Mësohet se nga rrëzimi i fasadës së pallatit nuk është dëmtuar asnjë person, ndërsa raportohet se godina e pallatit ishte restauruar pak muaj më parë si pjesë e programit të rindërtimit nga tërmeti i vitit 2019.
Lidhur me këtë rast ka reaguar edhe deputeti demokrat Kastriot Piroli, i cili është shprehur se kjo është një dëshmi e korrupsionit dhe babëzisë së kryebashkiakes së Kurbinit.
Sipas tij, miliona euro të hedhura në Kurbin pas tërmetit të 2019-ës dhe fasadat që shemben janë një standart punimesh i përdorur në të gjithë fasadat e pallateve në qytet.
Discussion about this post