Reshjet e shiut që kanë vazhduar gjatë gjithë ditës sot në vendin tonë, kanë krijuar përmbytje në disa qytete, ndërsa në rrezik janë Elbasani dhe qyteti i Fierit. Lumi i Vjosës dhe ai i Semanit rrezikojë seriozisht përmbytjen e disa shtëpive në Fier. Lajmin e ka bërë të ditur përfaqësuesi politik në Fier Taulant Balla, i Cili kërkoi marrjen e masave për të përballuar vërshimet e lumenjve Vjosë dhe Seman. Në rrjetet sociale. “Vjosa dhe Semani po shtojnë prurjet e tyre! Prandaj na duhet të përgatitemi me masat e para mbrojtëse. Bashkia Fier ka ngritur shtabin e emergjencës dhe po monitoron nivelin e prurjeve ne zonat pranë dy lumenjve”, shkruan ai.
Nga ana tjetër, reshjet e vazhdueshme të shiut në Elbasan kanë bllokuar fshatin Benë. Sipas informacioneve të fundit, fshati Muriqan ka pësuar përmbytje të mëdha për shkak të fryrjes së përrenjve. Në fshatin Labinot-Mal vazhdojnë ende të të bien reshje. Era e fortë po rrezikon rënien e një shtylle mbi një banesë të fshatit Rrajcë, ku ka dhe probleme me furnizimin me energji elektrike dhe asnjë shenjë nga OSHEE se po merret apo jo me riparimin e tyre.
Discussion about this post