Reshjet e shiut që kanë përfshirë vendin gjatë orëve të fundit kanë krijuar probleme në qytetin e Fierit duke rrezikuar lumin Vjosë të dalë nga shtrati. Në një prononcim për mediat kryetari i bashkisë Armando Subashi u shpreh se prurjet vijojnë të kenë intensitet dhe situata mund te përkeqësohet. Ai tha e nuk ka nevojë për panik ndërkohë që paralajmëroi se situata mund të përkeqësohet në orët në vijim.
“Jemi ne gatishmëri maksimale dhe do te qëndrojmë në terren gjatë gjithë natës. Në Memaliaj Vjosa është më shumë se 7.5. Niveli kritik është 8. Banorët e zonës të jenë të kujdesshëm me gjënë e gjallë e nëse shihet e nevojshme ta evakuojnë. Rreth mesnatës situata mund te përkeqësohet. Nuk ka vend për panik por duhet bërë kujdes pasi pas orës 21:00- 22:00 situata do të vij duke u përkeqësuar. Nëse do të përkeqësohet situata do te kërkohet edhe ndërhyrja e forcave te ushtrisë nëse do të duhet”- tha ai.
Probleme janë shfaqur edhe në qytetet e tjera të vendit për shkak të reshjeve të shiut dhe dëborës.
Discussion about this post