“Edi Rama nuk shpëton nga ndëshkimi i drejtësisë amerikane, nuk janë Damanë dhe Kraja ata”, u shpreh kreu demokrat Sali Berisha, në fjalën drejtuar mbështetësve të tij, referuar dosjes “McGonigal”.
Berisha tha se Rama është në krye të grupit të strukturuar kriminal McGonigal-Dorian Duçka-Neza-Gjiknuri, etj, është personi më i damkosur sot në Europë për korrupsion.
“Edi Rama, duhet t’u thuash shqiptarëve sa para more me licencën që dhe për Damianin dhe Nezën.
Duhet t’u thuash shqiptarëve sa para po paguan tani për t’i shpëtuar ndëshkimit dhe drejtësisë amerikane.
Por nuk shpëton se nuk janë Damanë ata, nuk janë Kraja ata.
Jo, jo, je i pashpresë, por në radhë të parë je i pashpresë, je i humbur sepse luftëtarët e Rrugës së Shpresës çdo ditë ecin të sigurt drejt fitores.
Rrugët, sheshet e Tiranës do shndërrohen në rrugët dhe sheshet e fitores.
Asgjë nuk mund të mposhtë opozitën pa realizuar qëllimet e saj.
Duke përfunduar, edhe njëherë shpreh besimin tim se luftëtarët e të vërtetës, se ju, njerëzit e kauzës së drejtë, njerëzit e betejës pa kthim për interesin e çdo shqiptari, do të çoni Shqipërinë drejt fitores”, tha Berisha.
Discussion about this post