Dështon përsëri komisioni i Reformës Zgjedhore, nuk mungojnë debatet

Dështon sërish seanca e Komisionit të Reformës Zgjedhore.

Deputetët e Bardhit dhe Berishës kanë bllokuar sallën dhe kanë zënë karriget dhe kjo ka nxitur debat me mazhorancën.

“Për çfarë paguhemi, për çfarë vijmë ne këtu”, dëgjohet të thotë Ervin Salianji duke iu drejtuar Damian Gjiknurit.

Gjiknuri dhe deputeti demokrat Luan Baçi patën gjithashtu një përplasje verbale.

“A do opozita reformë zgjedhore”, dëgjohet të thotë deputeti Gjiknuri, ndërsa Luan Baçi shprehet se është mazhoranca ajo që nuk e do një gjë e tillë.

Pas disa minutash debate, mbledhja ka dështuar dhe anëtarët e PS, janë larguar.

Kanë qenë deputetët e opozitës ata që kanë bllokuar sallën, ndërkohë nga Partia socialiste të pranishëm kanë qenë Damian Gjiknuri,  Arben Pëllumbi, Klotilda Bushka, Ermonela Felaj, Xhemal Qefalia.

Ndërkohë të pranishëm nuk ishin përfaqësuesit e Lulzim Bashës.