GJKKO ka vendosur që seanca e rradhës ndaj Vangjush Dakos, ish-kryebashkiakut të Durrësit, të zhvillohet më 2 shkurt 2024, ndërsa seanca e sotme zgjati për më shumë se 4 orë ku ish-Kryebashkiaku kërkoi pushimin e çështjes.
Sipas raportimeve, Dako dhe avokatët e tij, kërkuan në seancë që të verifikohet leja për pallatin, duke pretenduar se kemi të bëjmë me një vendim kolegjial. Gjithashtu në seancë nga Dako dhe avokatët e tij u pretendua se edhe për tenderin për vijën bregdetare, projekti duhet të verifikohet, pasi ekziston.
Dako akuzohet nga SPAK për shpërdorim detyre, ndërsa ndodhet nën masën e sigurisë “arrest me burg”. Avokatët e Dakos kanë kërkuar pushimin e çështjes ose gjykim të shkurtuar, ndërsa pritet që GJKKO të vendosë më 2 shkurt se çfarë do të ndodhë me ish-kryebashkiakun e Durrësit.
Discussion about this post