Ish-Kryeministri Sali Berisha, gjatë fjalës së mbajtur pasditen e sotme përpara mbështetësve të tij nga ballkoni i apartamentit ku qëndron prej 1 muaji në “arrest shtëpie” tha se nëse nuk do të kishin reaguar demokratët dy vite më parë, sot do kishte një fasadë opozitë.
Madje Berisha u shpreh se vendimet e fasadë opozitës do të merreshin nga Taulant Balla e Lulzim Brava në kuzhinën e Desadës, në takime të fshehta.
Deklaratës së Berishës i është përgjigjur gazetarja Desada Metaj, e cila u përmend nga Berisha në fjalimin e tij.
“Doktori paska përmend sot në fjalim kuzhinën e shtëpisë time.
E kuptoj që është mërzit duke dalë në ballkonin e shtëpisë së vet çdo natë, por për çdo rast mund t’i ofroj edhe ballkonin e shtëpisë sime.
Thjesht duhet të marrë leje në SPAK që të kalojë Bulevardin”, ironizon ajo.
Por duket se gazetares nuk i ka dalë inati dhe në mbrëmje ka shkuar pikërisht në vendin ku në orët e pasdites mblidhen mbështetësit e ish-Kryeministrit.
“Doktor erdha për merak meqë ti nuk del dot, por trimat të kishin lënë vetëm.
E di që e ke lënë Syrin te shtëpia ime po ç’të të them.
Megjithë ato vila dhe pallate e prapë merakun tek kuzhina ime.
Dhe s’ke faj se gatuaj jo keq.
Imagjino si kutërbon naftë aneksi jot ku gatuan Liria dhe Taçi naftën e vjedhuar”, shkruan ajo.
Discussion about this post