Ambasadorja e SHBA-ve në Shqipëri Yuri Kim ka ndarë një rrëfim të ish-Ambasadorit Amerikan, Ryerson, i cili tregon detaje nga vizita e tij e parë në Shqipëri, vetëm pak kohë pas ardhjes së pluralizmit në vendin tonë. Kim shkruan se gjatë kohës që Ryerson sëbashku me ish-Sekretarin Amerikan të Shtetit, James Baker po qëndronin pranë një autokolone, i ra në sy një polic shtatlartë. Ky i fundit pati dhe një bisedë me Sekretarin Baker i cili i tha se SHBA është me Shqipërinë.
“Teksa arrijmë në fund të vitit 2021, i cili shënon 30 vjet të rinovimit të marrëdhënieve mes SHBA dhe Shqipërisë, doja të ndaja këtë mesazh nga Amb. Ryerson: “Një nga momentet më të rëndësishme erdhi gjatë vizitës së Baker. Ndërsa Sekretari fliste… Unë po qëndroja pranë automjeteve të autokolonës, pranë një polici shtatlartë e të ashpër. Ndërsa Baker tha: “Ne jemi me ju, dhe ju jeni me ne”, unë pashë një lot që rrotullohej në faqen e atij polici.”
Sipas Kim, ky emocion dhe nevojë e shqiptarëve për mbështetjen e SHBA-së mbetet po i njëjtë dhe pas 30 vitesh.
“ Ai “moment tregues” i kujtuar nga Amb. Ryerson është po aq i fuqishëm, i rëndësishëm dhe i vërtetë sot sa ishte 30 vjet më parë. Të mos harrojmë kurrë. SHBA dhe Shqipëria të mbajnë gjithmonë afër njëri-tjetrin.”
James Bejker në cilësinë e Sekretari Amerikan të Shtetit ishte zyrtari i parë më i lartë perëndimor që vizitoi Shqipërinë, e cila në atë kohë ndodhej ne tranzicion nga komunizmi në demokraci. Ambasadorja zgjedh të çojë një mesazh tek njerëzit e thjeshtë duke lënë pa koment Kuvendin e mbledhur nga Berisha.
Discussion about this post