Kreu i Grupit Parlamentar të Partisë Demokratike, Gazment Bardhi hodhi akuza ndaj kryeministrit Edi Rama duke e konsideruar atë bashkëpunëtor të Arben Ahmetajt dhe si kreun e aferës së inceneratorëve.
Pas seancës së shkurtër parlamentare, Bardhi tha se Edi Rama urdhëroi Gardën që të pengonte deputetët e opozitës që të hynin në sallë edhe pse shumë prej tyre nuk kishin masë disipilinore.
“Siç e patë, sot në Kuvend kishte ardhur bashkëpunëtori i Arben Ahmetaj, personi i konsideruar nga njeriu më i afërt si koka e inceneratorëve.
Me një urdhër të paligjshëm, deputetët e opozitës u ndaluan të futen në Parlament. Edhe ndaj deputetëve që nuk kishte masë disiplinore, Garda e Republikës me urdhër personal të Edi Ramës, një frikacak që i fshihet gjithmonë përballjes me qytetarët tentoi të lërë jashtë deputetët e opozitës.
Besoj se vetëm në vende me regjime autoritare nuk lejohen deputetët të futen të ushtrojnë mandatin… e paimagjinueshme që deputetët duhet të shqyhen nga këmisha dhe kostumi që të futen në sallën plenare”, tha Bardhi.
Ai gjithashtu shprehu mbështetje për çdo protestë që ishte kundër regjimit të Edi Ramës. “Mbështes çdo protestë të qytetarëve kundër Ramës”, tha Bardhi.
Discussion about this post