Futbolli në zi, ndahet nga jeta legjenda e Real Madrid

Miguel Angel Gonzalez Suarez, ish – portieri i klubit të futbollit Real Madrid, ka vdekur në moshën 76-vjeçare.

Portieri me nofkën ‘El Gato’, ishte i lidhur me Real Madridin, klubi ku ai kaloi pjesën më të madhe të karrierës së tij: ai punoi për klubin merengue për 18 sezone.

Ish portieri njoftoi në vitin 2022 se vuante nga skleroza laterale amiotrofike (ALS).

Miguel Angel luajti 346 ndeshje për Real Madridin në 18 sezonet (1968-1986).. Ai fitoi 8 herë Ligën, 5 Kupa të Spanjës, 2 Kupa UEFA dhe një Kupë të Ligës.