Një person raportohet se ka mbetur i plagosur si pasojë e të shtënave me armë zjarri në Shkodër. Ngjarja ka ndodhur pasditen e së enjtes në lagjen Xhebije në hyrje të qytetit.
Sipas raportimeve, i plagosur ka mbetur shtetasi Selami Brahimi, i cili është transportuar në drejtim të spitalit jashtë rrezikut për jetën.
Ai ndodhej në një mjet tip “Citroen” në momentin që është qëlluar.
Autori ka mundur të largohet, ndërsa policia ka ngritur grupe kontrolli në disa nga pikat e qytetit.
Nuk dihet nëse ngjarja është rezultat i një konflikti të çastit, apo kemi të bëjmë me një pritë ndaj të plagosurit. Ky i fundit pritet të merret në pyetje dhe të hedhë më shumë dritë mbi ngjarjen.
Discussion about this post